Accesibilidade       Mapa do portal       Atendémolo/a GALEGO       CASTELLANO       ENGLISH
Laboratorios
Omitir vínculos de exploración
Inicio
Intecmar
Información
Transparencia
de Interese
Contactar
INFORMACION ECONÓMICA, ORZAMENTARIA E ESTATÍSTICA

   Incorpóranse neste bloque todas aquelas obrigas de información económica, orzamentaria e estatística que recolle a normativa básica en materia de transparencia e que, a maiores, incorpora tamén a Lei 1/2016, do 18 de xaneiro, de transparencia e bo goberno e tamén aquelas outras que esta última sinala como obrigas específicas de información patrimonial, en materia de contratación pública, sobre concesión de servizos públicos, sobre convenios, sobre encomendas de xestión e encargos a medios propios e sobre subvencións.

Orzamentos
   Neste apartado publícanse os orzamentos das entidades integrantes do sector público autonómico, segundo a tipoloxía prevista na Lei 16/2010, do 17 de decembro, de organización e funcionamento da Administración xeral e do sector público autonómico de Galicia: organismos autónomos, axencias públicas autonómicas, entidades públicas empresariais, consorcios autonómicos, sociedades mercantís públicas autonómicas e fundacións do sector público autonómico. Así mesmo, recóllense os orzamentos correspondentes ás entidades públicas instrumentais de asesoramento e consulta que a efectos orzamentarios teñen a consideración de organismos autónomos.
Contabilidade, contas anuais e informes de auditoría
   En cumprimento do Art. 81 da LOFAXGA, o INTECMAR fai públicas as suas contas anuais acompañadas do correspondente Informe de auditoría de contas.
Convenios
   A actividade convencional das Administracións públicas, como mecanismo de desenvolvemento de políticas públicas e como receptora dunha importante cantidade de fondos públicos, esixe criterios de publicidade que garantan a súa total transparencia, mecanismos nos que se leva avanzando durante anos na lexislación básica e autonómica.
Patrimonio
   A normativa en materia de transparencia sinala como obrigas específicas de información patrimonial a de publicar a relación de bens de interese cultural e o número de vehículos dos cales a Administración autonómica é titular ou arrendataria (Lei 1/2016, do 18 de xaneiro, de transparencia e bo goberno) e a publicación da relación dos bens inmobles que sexan propiedade da Administración, ou sobre os que ostente algún dereito real (Lei estatal 9/2013, do 9 de decembro, de transparencia, acceso á información pública e bo goberno).
Axudas e subvencións
   As subvencións e axudas supoñen un instrumento esencial para a aplicación das políticas económicas e sociais. En consonancia con esa relevancia, a lexislación esixe tamén deste eido un elevado nivel de transparencia. Galicia incorporou esixencias fundamentais de publicidade destes procedementos a través da súa Lei 9/2007, do 13 de xuño, de subvencións, información que o artigo 17 da Lei 1/2016, do 18 de xaneiro, de transparencia e bo goberno esixe integrar no Portal de Transparencia e Goberno Aberto. Para isto, recórrese á ligazón a dúas iniciativas fundamentais de transparencia postas en marcha nos últimos tempos polas Administracións públicas: a sede electrónica da Xunta de Galicia e a Base de Datos Nacional de Subvencións.
Contratación pública
   Neste apartado, en coordinación coa Plataforma de Contratación Pública de Galicia, dáse cumprimento aos requirimentos de información pública previstos no artigo 8 a) da Lei 19/2013, do 9 de decembro, de transparencia, acceso á información pública e bo goberno e nos artigos 13 e 14 da Lei 1/2016, do 18 de xaneiro, de transparencia e bo goberno. Así mesmo, recóllense as obrigas en materia de transparencia previstas na Lei 9/2017, do 8 de novembro, de Contratos do Sector Público.
Encomendas de xestión
   A Lei 16/2010, do 17 de decembro, de organización e funcionamento da Administración xeral e do sector público autonómico prevé a realización de encomendas de xestión, que supoñen a realización de actividades de carácter material, técnico ou de servizos, entre órganos da mesma ou diferentes administracións ou entidades por razóns de eficacia ou cando non se posúan os medios técnicos idóneos para o seu desempeño. Neste apartado recóllense encomendas acordadas polos diferentes departamentos da Xunta de Galicia, dando cumprimento ás obrigacións previstas na normativa vixente en materia de transparencia, así como ás previstas na citada lei.
Concesión de servizos públicos
   Acceso á Plataforma de contratos públicos de Galicia.

   
Ir a turismo de Galicia
© Xunta de Galicia. Información mantida e publicada en internet pola Xunta de Galicia.
Suxestións e queixas | Atendémolo/a | Aviso legal | RSS